Ay Momino! Hussain ka matam akheer hai
Bazm e azaa e qibla e alam akheer hai
Shi’yo! Shahe anaam ka matam akheer hai
Hain majlis e tamaam Moharram akheer hai
Uryaan sar hai fatah e badr o hunayn ka
De lo Batool e paak ko pursa Hussain ka
Haan aashiqaan e Shahe umam! Peeto apna sar
Ashra hai aaj aur ye qayamat ki hai sahar
Aalam ke baadshaah ka dunya se hai safar
Uth te hain taaziye ke chaley Shahe bahrobar
Rukhsat hai Shay ki ahle azaa behawaas hain
Dekho tou kaise ta’ziya khane udaas hain
Wa hasrata Imam e gharibaan ka kooch hai
Afsoos hai ke deen ke Sultaan ka kooch hai
Roanakh ke din chaley Shahe zeeshaan ka kooch hai
Rukhsat karo Hussain se mehmaan ka kooch hai
Sadma ajab tarah ka hai dil par hai jaan par
Kaisi udaasi phaeli huwi hai jahaan par
Ay noor e chashm e Ahmad e Muqtaar alwida
Ay Sayyed Ay Batool ke dildaar alwida
Ay ummat e Rasool ke ghamkhwaar alwida
Ay hum se bekasoon ke madadgaar alwida
Aah o buka se hum kabhi ghafil na hoinge
Jab tak jeeyenge aap ki ghurbat pe roinge
Ay be dayaar o be sar o samaan alwida
Ay binte Mustafa ke dil o jaan alwida
Ahmad ke baagh ke gul rehaan alwida
Das din ke mo’mineen ke mehmaan alwida
Shi’yo nisaar tere tan e paash paash ke
Ay be kafan Hussain! Fida teri laash ke
Ay jism o jaan e Hyder e karrar alwida
Ay shi’yaan e deen ke sardar alwida
Sayyad ghareeb bekas o naachaar alwida
Be khoish o be biradar o be yaar alwida
Hai hai imaam baadhon ko sunsaan kar chaley
Aqaa tamaam hind ko veraan kar chaley
Lo Shahe deen ke taziya daaro! Karo buka
Maatam ke din tamaam huwe wa musibata
Yaaro! Wida hota hai mazloom e karbala
Mehmaan dou pehar ka hai wo Shahe dou saraa
Ab maut le chali Shahe aali maqaam ko
Rukhsat karo Hussain alaihis salaam ko
Peeto mohibbo! Hind se aaqa ka kooch hai
Ro’o ke aaj Sayyed e waala ka kooch hai
Afsoos hai ke bekas o tanha ka kooch hai
Haan shi’yoon! Khaak udhao ke Moula ka kooch hai
Jee bhar ke ronay paaye na matam huwa akheer
Aashur ka bhi rozay moharram huwa akheer
Kis tarha aaye ta’ziya daaron ke dil ko chain
Har simpt roohe Fatima roti hai karke bain
Ahle azaa! Ye nauha padho ab ba shor o shain
Qurbaan teri laash ke Zahra ke noor e ain
Mohtaaj gor garm zameen par padha raha
Chalees roz dasht mein be sar padha raha
Dou din ki dhoop raat ki wo aaus hai sitam
Wo kankaroon ka farsh wo maidaan e dard o gham
Aur garm garm jhonkoon ka chalna wo dam badam
Is dukh pe saarbaan ne kiye haath bhi qalam
Sadmey guzar gaye ye tan e chaak chaak par
Hai hai ye aasmaan na gira phat ke khaak par
Lo yaaro! Ab Hussain ki rukhsat ka roz hai
Hyder ke noor e ain ki rukhsat ka roz hai
Zahra ke dil ke chain ki rukhsat ka roz hai
Sultaan e mashraqain ki rukhsat ka roz hai
Phir karbala ki simpt Shahe karbala chala
Hadi chala Imaam chala peshwa chala
Sibt e Nabi ki majlis o matam tamaam hai
Ibne Ali ki majlis o matam tamaam hai
Haq ke wali ki majlis o matam tamaam hai
Roo e sakhi ki majlis o matam tamaam hai
Aainda saal tak jo koi zinda hoyega
Phir wo shareek hokay moharram mein royega
Bas ye zareeh hogi na hoinge ye alam
Ye majlisein ye sohbatein ghar ghar se hogi kam
Mimbar ko khali dekh ke hoyega dil ko gham
Ye din wo hain ke qatl huwe hain Shahe umam
Abh taaziya uth ta hai har ik khaak udhayega
Abh tou imam baarhoon mein jaya na jaayega
Ro’o mohibbo! Aaj ke riqqat ka roz hai
Sibte Nabi ki aaj shahadath ka roz hai
Mazloom o tashnalab pa musibat ka roz hai
Sar par udhao khaak qayamat ka roz hai
Maatam tumharey aaqa ka yaaro tamaam hai
Mehmaan koi dam koi saa’at Imaam hai
Ashray ka din hai aaj mohibbaan e bawafa
Khanjar se zibhh hogaye Sultaan e karbala
Laazim ka aaj tum ko karo girya o buka
Jalti zameen par tan e uryaan parhaa raha
Ghusl o kafan diya na tan e paash paash ko
Gaada kisi ne aakey na Sayyed ki laash ko
Ay momino! Hussain ki rahlat ka waqt hai
Ay yaaro! Tumse Shaah ki rukhsat ka waqt hai
Lutne ka Fatima ki riyazat ka waqt hai
Aaqa ki ye tumharey shahadath ka waqt hai
Turbat mein jaakey zar e zameen gar na soyenge
Phir aglay saal ashray mein Hazrat ko royenge
Ro lo azizo! Phir kahan tum aur ye din kahaan
Aglay baras jo zinda thay hain khaak mein nahaan
Kya ai’temad zeesth ka dunya ke darmiyaan
Paik e ajal se dahr mein milti hai kab amaan
Kahe ko is sawaab ko haatho se kho o tum
Aainda saal ho ke na ho khoob ro o tum
Ya Rabb! Jahan e nazm e riyazat hara rahe
Gulshan ye hum jiloon se phoola phala rahe
Ahle azaa pe saaya e mushkil kusha rahe
Daamaan gul e ummeed se har dam bhara rahe
Is nazm ka Anees tujhe phir sila miley
Sadqe se Panjetan ke jo ho muddu’a miley
Leave a guest comment (subject to review)
Comments
1 - 9 of 9
-
subhan allah
From guest shadab husain (contact)
parwar digar anees sahab ko apni khaas rahmato se nawaze khuda ki qasam bas khuda or ahle bait hi iska sila de sakte hai duniya me kisi ki itni auqat mahi ke iska sila de sake. -
Mir key andaz e beyan ko Salam .....
From guest Ali (contact)
Merey pass itney alfaz nahi key main mir key lya likh sakoon bass khuda Mir anees Janat main bhi Mazloom e karbala zikr karain jessey app ke zahire duniya main kar chuka .....Meri guzarish hai key Mir Babar anees key lya aik sura e fatiha parhlain ....SHukriya ....... -
-
imam
From guest Farih (contact)
Hi Could any one tell me who wrote "kon ziwaqar hae bala ka shehsawar hae kay hae hazaroon qatiloon kay samnay data huwa...ye bilyaqeen Hussain hae..?? -
top class shayari
From guest amrender (contact)
muddtaton baad mujhe koi shayari pasand aayai hai.......... laa jawab hai yeh. aaj ke shayar ko insae seekh lanee chahyae. -
Nazm Aulaad
From guest Hameed Raza (contact)
Please send the nazm aulaad daulat koi duniya mein pesar se nahin behtar rahat koi araam-e-jigar se nahin behtar -
Matam-e-Hussain
From guest Anees (contact)
Molla Panjtan Pak Lead his way to Heaven. (For Mir Anees, From AneesMahessar) -
Hadeya
From guest Hasnain Azhar (contact)
This is agreat way to express the love to Imam Hussain (A.S) and to His cause. -
From guest Tauseef Hussein (contact)
I dont think there were 72 shaheeds in karbala..but there were 73 and that was mir anees..the way he describes the evening of ashoor is just as if he was there..!! -
BRILLIANT
From guest GILLANI (contact)
ITS A AN AMAIZING PIECE OF ABSOLUTE EXPERTIES OVER THE USE, DIVERSITY AND COMMAND OF A LANGUAGE YET SO SIMLE AND PLAIN FOR EVERY ONE'S UNDERSTANDIND I COULD DO EVEN MORE THAN THAT IS "URDU FONTS" WERE USED -
the best
From guest taqi (contact)
the best person in world who dedicated his life for this good work -
mir anees is best in explaning hussain condition in karbala..may GOD blesshim and his soul rest in piece
-
masha allah may god bless him and send him in jannat
-
a class
very classic poem or masiya by great anees loved to read ..it really bring tears to my eyes....felt as iam in karbala and helpless -
really its a appriatiable work by you people
meer anees was a remarkable poet as far as his marsiays are concern they are simply great.
keep it up
i have a request to make why dont you add the manqabats and qatat-o-salam of shaheed mohsin raza naqvi and shaukat raza shaukat i'll really be thankful to you if do this favour to me.
thank you
may ALLAH bless you. -
ya of course
-
it's excellent . but would be better if it was in urdu
-
I like this poem.This poem is really very good (Mashallah).
May Allah give u more courage to write poems on Imam Hussain. -
Mir Anees by his poetry made me in Medane Karbala and all scene happened in my presence.he is master as well as creator of Marsiah mind u people.
-
i'm very much influenced about the poetry of mir anees that all poetries ends upon his start.
-
I dont think any other poet can convey his message in such simple language and with such a lot of emotion as well as Mir Anees. God bless his soul.
Adding your comment:
1 - 9 of 9
